பின்னர் அந்த முன்னணி புடவை நிறுவனம் ஒரு புதுமுக மும்பை மாடலை பதிவு செய்தது. அந்த மும்பை மாடல் தலையை மொட்டையடித்து அந்த விளம்பரத்தில் தோன்றினாள். அந்த விளம்பரம் பின்னர் பெரிய ஹிட் ஆனது, அந்த மாடல் குறுகிய காலத்தில் நாடு முழுவதும் மிகவும் பிரபலமானாள். வெகுவிரைவில் பல விளம்பரங்கள் கிடைத்து, அதன் பின் முன்னணி நடிகர்களுக்கு ஜோடியாக திரைப்படங்களில் நடிக்கும் வாய்ப்பு அந்த மாடலுக்கு கிடைத்தது. அந்த புதுமுக மும்பை மாடல் மொட்டைத் தலையுடன் நடித்த  புடவை விளம்பரத்திற்குப் பிறகு அவர் தனது வாழ்க்கையில் மிகவும் பாப்புலர் ஆனாள். சில மாதங்களில் அவள் தமிழ் நாட்டிலேயே அதிக சம்பளம் வாங்கும் முன்னணி நடிகையாகிவிட்டாள்.

குறுகிய காலத்தில் அந்த மாடலின் வெற்றியை பார்த்த அனு தனக்கு வந்த வாய்ப்பை விட்டுவிட்டது தவறு என்று மிகவும் கலக்கமடைந்தாள். அந்தப் புடவை விளம்பரத்தில் நடிக்க மறுத்து, தன் வாழ்க்கையில் பெரிய வாய்ப்பை தவற விட்டுவிட்டோம் என்று யோசித்துக் கொண்டே இருந்தாள். அவள் தன் மாடலிங் வாழ்க்கையை பற்றி மிகவும் சோகமாகவும் மனச்சோர்வுடனும் இருந்தாள். அவளுக்கும் முன்பு போல் நல்ல வாய்ப்புகள் கிடைக்கவில்லை, ஒரு பெரிய வாய்ப்புக்காக அனு ஆவலுடன் காத்திருக்க ஆரம்பித்தாள்.

தமிழ் சினிமாவில் பெரிய நட்சத்திரங்கள், முன்னணி இயக்குநர்கள் மற்றும் நன்கு அறியப்பட்ட தொழில்நுட்பக் கலைஞர்களைக் கொண்ட மிகப் பெரிய பட்ஜெட்டில் தயாரிக்க போகும் ஒரு திரைப்படத்தில் அந்த மாடல் ஒப்பந்தம் செய்யப்பட்டாள்.

அந்த படத்தின் ஒவ்வொரு கதாபாத்திரத்திற்கும் நல்ல புகழ் பெற்ற நடிகர்களை தேர்வு செய்வதில் இயக்குனர் மிகுந்த ஆர்வம் காட்ட, சில சிறிய வேடங்களில் நடிப்பதற்காக, சில நடிகர் நடிகைகளை இயக்குனர் ஆடிஷன் செய்து, பிறகு தங்கள் திரைப்படத்திற்குத் தேர்ந்தெடுக்க விரும்பினார். செய்தித்தாளில் சிறிய பாத்திரங்களை நிரப்ப விளம்பரம் கொடுத்தார்கள்.

அனு நாளிதழைப் பார்த்தபோது, அந்த பெரிய பட்ஜெட் படத்திற்கு நடிகைகளைத் தேடுகிறார்கள் என்பது தெரிந்தது. இந்த பெரிய வாய்ப்பை நழுவ விடக்கூடாது என்று நிறைய யோசித்து, அதே படத்தில் தான் அந்த மாடலும் ஹீரோயின் வேடத்தில் நடிக்க ஒப்பந்தமாகி இருக்கிறாள் என்பதும் அனைவருக்கும் தெரியும். ஆனால் கேரக்டர் ரோல்களை மட்டுமே தேடி அலைந்ததால் அந்த விளம்பரத்தை பார்த்து ஏமாற்றம் அடைந்தாள். சிறிய வேடம் என்பதால் விண்ணப்பிக்கலாமா வேண்டாமா என்று சிறிது நேரம் யோசித்தாள் அனு. இந்தப் பெரிய படத்தில் நடிக்கும் வாய்ப்பை நழுவ விடக் கூடாது என்று நினைத்து, அதனால் அது ஒரு சின்ன வேடமாக இருந்தாலும் அதைப் பயன்படுத்தி கொள்ள நினைத்தாள் அனு.

இயக்குனர் அவளை ஆடிஷனுக்கு அழைக்க, முழு மேக்கப்புடன் மாடர்ன் உடையில் சென்றாள். அந்த படத்தில் தன் பங்கு பற்றி இயக்குனரிடம் கேட்டாள். ஆனால் அது ஒரு பெரிய கதை என்பதாலும், கதை வெளியே கசிந்து விடக்கூடாது  என்பதாலும் எதை பற்றியும் இப்போது கூற முடியாது என்று இயக்குனர் அவளிடம் கூறினார், ஆனால் அந்த பாத்திரத்தில் நடிக்க வாய்ப்பு உள்ளது என்று அவளுக்கு உறுதியளித்தார். கடைசியாக இயக்குனர் அனுவை தன் தேர்ந்தெடுத்தார். இதை அனு தன் பெற்றோர் மற்றும் நண்பர்களிடம் கூற, அனைவரும் வாழ்த்து தெரிவித்தனர்.

சில நாட்களில் அனுவை படப்பிடிப்பிற்கு தயாராகும்படி இயக்குனர் அவளை  அழைத்தார். அனு முழுக்க முழுக்க மாடர்ன் உடையுடன் நல்ல மேக்கப்புடன் ஷூட்டிங் ஸ்பாட்டுக்கு வந்தாள். அவள் மிகவும் அழகாகவும் கவர்ச்சியாகவும் இருந்தாள். ஷூட்டிங் ஸ்பாட்டில் ஒரு காட்சிக்குத் தயாராகிக் கொண்டிருந்த ஹீரோயினை  பார்த்தாள். இவ்வளவு பெரிய நிலையில் அவளைப் பார்த்த பிறகு, தான் எவ்வளவு பெரிய அற்புதமான வாய்ப்பைத் தவறவிட்டதாக அனு கொஞ்சம் கவலைப்பட்டாள், ஆனால் கிடைத்த வாய்ப்பை பயன்படுத்தி வெற்றிபெற அவள் மனதைத் திடப்படுத்திக் கொண்டாள். ஒரு உதவி இயக்குனர் அனுவை மிகவும் விசித்திரமாக பார்க்கிறான். அவன் ஏன் அவளை அப்படி பார்க்கிறான் என்று அனுவிற்கு புரியவில்லை. பின்னர் அனு தனது காட்சிக்குத் தயாராக கேரவனுக்குள் சென்றாள்.

சார் நான் உள்ளே வரலாமா?

உள்ளே வா... அனு...

சார், நான் என் தயாராக இருக்கிறேன். எனக்கு என்ன ஸீன்... கொஞ்சம் சொல்ல முடியுமா?

சரி அனு, நான் இப்போ உங்கள் கேரக்ட்டர் பற்றி சொல்ல போகிறேன். இது ஒரு மிக முக்கியமான கேரக்ட்டர்... உன் கேரக்ட்டர் தான் கதைக்கு முக்கியமானது... ஆனால் அதே நேரத்தில் ரொம்பவும் கடினமானது.

சரி சார்... இது மாதிரி சவாலான மற்றும் முக்கியமான கேரக்ட்டருக்கு என்னை தேர்வு செய்ததற்கு நான் நன்றியுள்ளவளாக இருப்பேன் சார்...

அனு... படத்தில் உன்னுடைய பெயர் கல்யாணி. நாயகியின்  பணக்கார குடும்பத்தில் நீ வீட்டு வேலைக்காரி. நீ பணிப்பெண்ணாக இருந்தாலும், ஹீரோயினுக்கு இணையாக அழகாக இருக்க... படத்தில் கதாபாத்திரத்தின் பெயர் பிரியா. ரவி என்பது ஹீரோவின் பெயர். கதையின்படி ப்ரியா நீண்ட காலமாக ரவியை காதலிக்கிறாள்... ஆனால்  ப்ரியா அதை ரவியிடம் சொன்னதில்லை. ஒரு நாள் பிரியா தனது அம்மா மற்றும் அப்பாவிடம் ரவியை தான் காதலிப்பதாக சொல்கிறாள். அதனால் ப்ரியாவின் பெற்றோர் ரவியின் பெற்றோரிடம் பேசி, எல்லாவற்றையும் பேசி அவர்களது திருமணத்தை முடிப்பதற்கு திட்டமிட்டுள்ளனர். ஆனால் ரவி இந்த திருமணத்திற்கு சம்மதிக்கவில்லை. ரவியின் பெற்றோர் ப்ரியா பணக்கார குடும்பத்தை சேர்ந்தவள் என்பதால் அவனது பெற்றோர் திருமணத்திற்கு சம்மதிக்க வற்புறுத்தினார்கள். பிரியா தனது காதலன் ரவியை திருமணம் செய்யும் வாய்ப்பு கிடைத்ததில் மிகவும் மகிழ்ச்சியாக இருக்கிறாள்.

பிரியாவை சந்திக்க ரவி தன் குடும்பத்துடன் வருகிறான். பிரியா தயாராகிறாள். இதற்கிடையில் அனைவரும் சேரில் அமர்ந்து பிரியா வருவதற்காக காத்திருந்தனர். அந்த சமயம் ப்ரியாவின் பெற்றோர்கள் எல்லோருக்கும் காபி பரிமாறச் சொல்ல... அந்த சமயத்தில் நீ எல்லோருக்கும் காபி கொடுக்க,  ரவி உன்னிடம் இருந்து காபி எடுத்துகே கொண்டு  நீதான் தான் திருமணம் செய்து கொள்ள போகும் ப்ரியா என்று நினைக்கிறான்.

உன்னைப் பார்த்ததும் அந்த நிமிடம் நீதான் ப்ரியா என்று நினைத்து ரவி தன் பெற்றோரிடம் பிரியாவை விரும்புவதாகவும் திருமணத்திற்கு சம்மதிப்பதாகவும் தெரிவிக்கிறான். ப்ரியாவின் பெற்றோர் பதற்றமடைந்து ரவியிடம் "அவள் ப்ரியா இல்லை என்றும் அவள் கல்யாணி என்ற வீட்டு வேலைக்காரி" என்றும் தெரிவிக்கின்றனர்.

எல்லாவற்றையும் கேட்டு கோபமடைந்த ப்ரியா வெளியே வந்தாள். அதற்குள் ரவி தனக்கு கல்யாணியை அதிகம் பிடிக்கும், கல்யாணியை தான் திருமணம் செய்து கொள்வேன் என்று மனம் மாறினான். குழப்பம் நடந்ததால் எல்லோரும் ரவியை சமாதானப்படுத்த முயன்றனர், ஆனால் ரவி ப்ரியாவை திருமணம் செய்து கொள்ள மறுத்துவிட்டான்.

அதனால் ப்ரியா எல்லாரையும் கேவலமாக பேசி... திட்டிவிட்டு ரவியின் பெற்றோரை வெளியே போகச் சொன்னாள். ரவியும் அவனது பெற்றோரும் அவர்கள் வீட்டிற்கு கிளம்புகிறார்கள். ப்ரியா தனது காதலி ரவியை திருமணம் செய்து கொள்ள முடியவில்லை என்று மிகவும் அழுதாள். அவள் கோபத்தில் கல்யாணியை பார்த்து திட்டுகிறாள். அவள் கல்யாணியின் தலைமுடியை பிடித்து இழுத்து கொண்டு தெருவுக்கு வருகிறாள்.

ப்ரியா தன் வாழ்க்கையில் குறுக்கிட்ட உனக்கு தண்டனை கொடுக்கிறாள். அது என்ன என்று நான் இப்போது சொல்ல முடியாது. அந்த தண்டனை உனக்கு ஆச்சரியமாக இருக்கும். நான் இந்தப் படத்தை யதார்த்தமாக எடுக்க விரும்புகிறேன். எனவே ப்ரியா உனக்கு தண்டனை கொடுக்கும் காட்சியை எடுக்கும் போது அந்த யதார்த்தமான உன்னுடைய முக பாவனைகளை படம்பிடிக்க பிடிக்க விரும்புகிறேன். அதனால் அந்த சீனை எடுக்கும் போது மட்டும் உனக்கு விளக்கி சொல்கிறேன்" என்றான் இயக்குனர்.

சார், என்னுடைய கேரக்டர் மிகவும் சவாலானதாகவும், கதைக்கு ஒரு திருப்புமுனையாகவும் இருக்கிறது என்பதை புரிந்துகொண்டேன். ஆனால் இந்த படத்தில் நான் வீட்டு வேலைக்காரியாக  நடிக்கப் போவதாக எனக்கு சொல்லவில்லையே...

ஆம், இது ஒரு பெரிய கதை என்பதால் நான் கதையை யாருக்கும் சொல்லவில்லை. அது மட்டுமில்லை... உன்னுடைய கேரக்ட்டரை ரகசியமாக வைத்திருக்க விரும்பினேன். நீ ஒரு மாடல் மற்றும் சில சிறிய விளம்பரங்களில் நடிக்கிற என்பது எனக்குத் தெரியும். ஆனால் நடிப்புத் துறையில் உன் வாழ்க்கையை மேலே கொண்டு போக இது ஒரு பொன்னான வாய்ப்பு. படம் பார்க்கும் அனைவருக்கும் உன் கதாபாத்திரம் நினைவில் இருக்கும். என்று அவளை கன்வின்ஸ் செய்தான்.

அனு வீட்டு வேலைக்காரியாக நடிக்க இருப்பதைக் கேட்டு அதிர்ச்சியடைந்தாள், ஆனால் இது கதையில் மிக முக்கியமான பாத்திரம் என்பதால் அவள் ஏற்றுக்கொண்டாள். ஆனால் அந்த தண்டனை என்னவாக இருக்கும் என்பது பற்றியும் கவலைப்பட்டாள். அவள்  தனது தொழிலில் இனிமேல் கவனமாக இருக்க வேண்டும் என்று நினைக்கிறாள். மேலும் இவ்வளவு பெரிய வாய்ப்பை நிராகரிக்க பயப்படுகிறாள், இந்த வாய்ப்பும் தவறவிட்டால் இனிமேல் நல்ல வாய்ப்பு கிடைக்காதோ என்றும் யோசித்தாள் அணு.

சரி சார். அந்த பாத்திரத்திற்கு நான் ஒப்புக்கொள்கிறேன்.

சூப்பர் அனு... இந்த ஒரு முடிவு உன்னை எங்கே கொண்டு போய் உட்கார வைக்கும்னு பார்த்துக்கோ... சரி இந்த காஸ்ட்யூம் போட்டுக்கோ... இப்போ மேக்கப் மேனிடம் உனக்கு மேக்கப் செய்ய சொல்கிறேன்.... என்றார்.